Прва кичевска парохија
Црква "Свети апостоли Петар и Павле" - Кичево, тел. бр. 045-223-987
Парохиски свештеник протојереј-ставрофор Ѓорѓи Лапоски, ул. Иван Трпески бр. 45 - Кичево,
тел. бр. 045-266-751 и 070-711-978

Во состав на оваа парохија се дел од градот Кичево и селата: Вранештица, Староец, Бигор Доленци, Челопеци, Атишта, Миокази, Орланци, Речани, Светораче, Дупјани, Козичино, Патеец, Карбуница, Лисичани, Крушица, Рабетино.

Парохиски свештеник е протојереј-ставрофор Ѓорѓи Лапоски. Роден е на 21. II 1952 година во село Витолиште - Прилепско, каде што завршил основно образование. Средно образование завршил во Македонската православна богословија "Св. Климент Охридски" во Скопје. За ѓакон е ракоположен на 11. III 1973 година, а за свештеник на 18. III 1973 година од страна на тогашниот Митрополит Дебарско-кичевски г. Методиј. На парохиска служба во Првата кичевска парохија стапил на 10. VI 1996 година.

Кичево:
- централна парохиска црква "Свети апостоли Петар и Павле" - според податоците, во својот сегашен изглед е изградена на почетокот на дваесеттиот век, но, на темели од постара црква. Нејзиното целосно обновување е извршено во 1974/75 година. Обновувањето на иконите го извршил Кузман Фрчкоски од Галичник. Иконостасот е изработен во периодот на градењето на црквата, а иконите на него се од 1925/26 година. Во понов период, поради настанатите потреби, изграден е нов придружен објект, во кој се наоѓаат црковна трпезарија, крстилница и административни простории за свештениците.

- црква "Свети Кирил и Методиј" - во изградба.

Село Вранештица:
- црква "Свети Никола" - градена е по иницијатива на архиепископот Милетие, од 1858 - 1861 година. Зографисана е во 1916 година од страна на Никола Мартиноски од Лазарополе. Живописот во олтарот е дело на Дичо Зограф, кој работел заедно со Глигор и Аврам, зографи од Тресонче, во 1880 година. Иконописец е Методиј Јованов Здравески од село Големо Црско.

- црква "Свети Ѓорѓија" - прва изградена црква во Вранештица, според историчарите на уметноста, изградена кон крајот на XVI век.

- црква "Свети Илија" - според историчарите на уметноста, градена неколку години подоцна од црквата "Св. Ѓорѓија".

Село Староец:
- црква "Свети Јован Крстител" - осветена на 12. IX 1999 година од страна на Митрополитот Дебарско-кичевски г. Тимотеј.

Село Бигор Доленци:
- црква "Свети Антониј" - изградена во 1865 година. Иконостасот е дело на резбари од Лазарополе.

- црква "Света маченичка Параскева" - изградена во 1858 година, а реновирана во 1999 година. Според податоците, градителите на црквата биле од селото Малкоец. Иконостасот е изработен во 1865 година, а иконите на него се дело на познатиот Дичо Зограф.

Село Челопеци:
- црква "Свети пророк Илија" - изградена во 1861, а обновена во 1910 година од страна на селаните. Фреските во внатрешноста се дело на зографот Јаков Радев Мажовски од Лазарополе. И во оваа црква, иконостасот го изработил Дичо Зограф од Галичник. Во 1999 година е извршено обновување на фрескоживописот од страна на Бошко Попоски од Кичево.

Село Атишта:
- црква "Свети Димитрија" - градена во периодот од 1936-1938 година. Иконостасот, целиот во резба, е изработен неколку години подоцна. Иконите не него се дело на браќата Доне и Илија Донески од село Гари.

Село Миокази:
- црква "Свети Антонија" - обновена во 1935, а реновирана во 1998 година, при што се избришани сите надворешни белези, кои покажуваат година на градба и евентуални други записи.

Село Орланци:
- црква "Свети Никола" - изградена во 1872 година. Поради тоа што турците ја запалиле, во целост изгорела во 1903 година. Обновена е во 1908 година, во нејзиниот поранешен изглед. Иконостасот, кој е пренесен од старата црква, е изработен во периодот помеѓу 1882 - 1885 година.

- црква "Света Недела" - градена на темели од постара црква, која потекнува од 1938/39 година. Осветена на 07. VIII 2005 година од страна на Митрополитот г. Тимотеј.

Село Речани:
- црква "Света Богородица" - градена во 1933 година, а осветена во 1936 година. Иконостасот е изработен во 1934 година.

Село Светораче:
- црква "Свети Кузман и Дамјан" - во својот сегашен изглед, изградена е во 1858 година. Иконостасот, изработен од мајстори мијаци, е од крајот на XIX век.

- црква "Свети Никола"

Село Дупјани:
- црква "Свети Ѓорѓија" - изградена во 1872 година.

Село Козичино:
- црква "Свети Атанасија" - изградена во периодот од 1883 - 1885 година. Иконостасот и иконите се дело на мијачките зографи.

Село Патеец:
- црква "Преподобна Параскева" - камен темелникот е осветен на Х јули 1996 година, осветена на 30. ВИИ 1999 година од страна на Митрополитот г. Тимотеј. Градена е од страна на мајсторите Санде и Славе Софрониоски од село Лазоровци. Фрескоживописот го изработи уметникот Драган Ристески од Охрид, додека иконостасот е дело на резбарот Панта од Кавадарци.

Село Карбуница:
- црква "Свети Никола" - изградена во 1862 година, од кога потекнува и иконостасот. Во 1938 година направена е надградба, кога се насликани и иконите од горниот ред на иконостасот, кои се дело на иконописци од Галичник.

Село Лисичани:
- црква "Свети пророк Илија" - камен-темелник осветен и поставен во 1995 година од страна на Митрополитот г. Тимотеј. Се гради на темели од постара црква, веројатно од 1560 година, која не се знае кога и зошто е срушена. Изградбата е во тек.

Село Крушица:
- црква "Света Богородица" - изградена во средината на XIX век, а реновирана во 1950 година. Над влезната врата се наоѓа фреска на заштитничката на црквата, Света Богородица, дело на зографот Крсте Колоски од Лазарополе, од 1980 година.

Село Рабетино
- црква "Свети Димитрија" - изградена во средината на XIX век.

Во состав на оваа парохија се дел од градот Кичево и селата: Другово, Горно и Долно Добреноец, Подвис, Лавчани, Јаорец, Душогубица, Кленоец, Попоец, Иванчиште, Малкоец, Ехловец, Извор и Пополжани.

Парохиски свештеник е протојереј Војне Ристески. Роден е на 20. III 1962 година во село Бонче - Прилепско. Средно образование завршил во Македонската православна богословија "Св. Климент Охридски" во Скопје. За ѓакон е ракоположен на 19. VIII 1984 година, а за свештеник на 26. VIII 1984 година од страна на Митрополитот Преспанско-битолски г. Петар. На парохиска служба во Втората кичевска парохија стапил на 01. VII 1985 година.

Кичево:
- централна парохиска црква "Свети апостоли Петар и Павле"- според податоците, во својот сегашен изглед е изградена на почетокот на дваесеттиот век, но, на темели од постара црква. Нејзиното целосно обновување е извршено во 1974/75 година. Обновувањето на иконите го извршил Кузман Фрчкоски од Галичник. Иконостасот е изработен во периодот на градењето на црквата, а иконите на него се од 1925/26 година. Во понов период, поради настанатите потреби, изграден е нов придружен објект, во кој се наоѓаат црковна трпезарија, крстилница и административни простории за свештениците.

Село Другово:
- црква "Света Недела" - осветена на 09. XI 1996 година од страна на Митрополитот Дебарско-кичевски г. Тимотеј. Фрескоживописот е дело на Бошко Попоски и Владо Димоски од Кичево. Иконостасот го изработил резбарот Сокол од Скопје, а иконостасните икони ги иконописал академскиот сликар Мирослав Крстески.

Село Горно Добреноец:
- црква "Свети Никола" - според записот на самиот објект, градбата на црквата е започната во 1938 година, а ја градел мајсторот Алексо, од мијачките села. Во внатрешноста на црквата има иконостас, на кој се поставени 6 големи и 13 мали икони.

Село Долно Добреноец:
- црква "Света Варвара" - камен-темелник е осветен и поставен во 2000 година од страна на Митрополитот г. Тимотеј. Изградбата е во тек.

Село Подвис:
- црква "Свети Атанасие" - градена во текот на XIX век, додека иконостасот е изработен во 1871 година.

Село Лавчани:
- црква "Свети архангел Михаил" - изградена во почетокот на XIX век. Фреските и иконите на иконостасот се дело на познатиот зограф Кузман Фрчкоски од Галичник.

Село Јаорец:
- црква "Свети Никола" - изградена на местото на стара црква, на почетокот на минатиот век. Иконостасот е изработен неколку години подоцна, а иконите на него се дело на Теодосиј Колоски од Лазарополе.

Село Душогубица:
- црква "Света Богородица" - според записот, градена е од 1930 - 1936 година, од страна на селаните. Иконостасот го изработиле резбарите Васил и Петко од село Гари.

Село Кленоец:
- црква "Света Богородица" - изградена во XIX век. Иконостасот е изработен во 1913 година, од мајстори од мијачките села.

Село Попоец:
- црква "Свети Никола" - според записите, градена е во 1860 година. Иконостасот е изработен на почетокот на ХХ век, дело на мијачките мајстори.
- црква "Света Богородица Пречиста" - се наоѓа во месноста Старо Село. Не се знае кога е градена.

Село Иванчишта:
- црква "Свети Никола" - градена во средината на XIX век. Фреските во внатрешноста на црквата се дело на Кузман Фрчкоски од Галичник. Дел од иконите потекнуваат од 1907 и 1908 година, а ги изработил иконописецот Митре Донев од село Гари.

- црква "Свети Атанасие" - постара од црквата "Свети Никола". Реновирана е во 1989 година.

Село Малкоец:
- црква "Света Недела" - започната е да се гради во 1996 година, а осветена е во 2004 година од страна на Митрополитот г. Тимотеј. Ѕидарските работи се дело на Војо Миладиноски од Кичево, а фрескоживописот е изработен од Драган Ристески од Охрид.

Село Ехловец:
- црква "Свети Пантелејмон" - изградена во 1850 година. Големиот иконостас е дело на мијачките мајстори.

- црква "Свети Атанасија" - се наоѓа во месноста Старо Село, од каде се доселени сегашните жители. Не се знае кога е градена.

Село Пополжани:
- параклис "Света Пречиста Богородица" - граден во почетокот на XIX век.

Во состав на оваа парохија се дел од градот Кичево и селата: Цер, Големо и Мало Црско, Велмевци, Прострање, Белица, Козица, Кладник, Свињиште, Брждани, Јудово и Видрани.

Парохиски свештеник е Стевчо Тошевски. Роден на 08. IV 1964 година во село Добрушево - Битолско,. каде што завршил основно образование. Средно образование завршил во Македонската православна богословија "Св. Климент Охридски" во Скопје. За ѓакон е ракоположен на 02. VIII 1986 година, а за свештеник на 08. VIII 1986 година од страна на Митрополитот Дебарско-кичевски г. Тимотеј. На парохиска служба во Третата кичевска парохија стапил на 01. Х 1986 година.

Кичево:
- централна парохиска црква "Свети апостоли Петар и Павле"

- според податоците, во својот сегашен изглед е изградена на почетокот на дваесеттиот век, но, на темели од постара црква. Нејзиното целосно обновување е извршено во 1974/75 година. Обновувањето на иконите го извршил Кузман Фрчкоски од Галичник. Иконостасот е изработен во периодот на градењето на црквата, а иконите на него се од 1925/26 година. Во понов период, поради настанатите потреби, изграден е нов придружен објект, во кој се наоѓаат црковна трпезарија, крстилница и административни простории за свештениците.

Село Цер:
- црква "Свети Никола" - изградена во средината на XIX век. Иконостасот е изработен во 1839 година. Фрескоживопис има само на сводот и на ѕидот од десната страна на олтарот.

- црква "Свето Вознесение" - градена во време на турското ропство. Иконостасот го изработиле Стефан и Никола Крстески во 1899 година.

- црква "Преподобна Параскева"

- црква "Свети Атанасиј" - изградена во 1863 година, кога архиепископ бил Милетиј.

- црква "Света Богородица" - изградена во 1977 година.

Село Големо Црско:
- црква "Свети Атанасиј" - градена во средината на XIX век.

Село Мало Црско:
- црква "Свети Ѓорѓија" - градена во 1848 година. Иконостасот, изработен во 1893 година, и иконите на него се дело на заографи од Лазарополе.

- црква "Свети Илија" - градена во 1933 година, на темели од стара црква.

- црква "Света Недела" - од почетокот на ХХ век.

Село Велмевци:
- црква "Свети пророк Илија" - изградена во 1838 година. Иконостасот е направен од Серафим од Тресонче, во 1873 година. Од тој период е и фрескоживописот, кој го има на целата површина во внатрешноста на црквата.

- црква "Света Богородица" - постара од црквата "Свети Илија". Иконостасот е изработен во 1875 година од мијачки резбари.

- црква "Света Петка" - изградена во 1999 година.

Село Прострање:
- црква "Свети Никола" - градена во почетокот на XIX век. Иконостасот и иконите се дело на зографот Коста од Крушево, изработени во 1889 година.

- црква "Света Петка" - изградена во 1920 година.

- црква "Света Богородица" - нема податоци кога е градена.

- црква "Свети Атанасиј" - градена во седумдесеттите години од минатиот век, на темели од стара црква.

Село Белица:
- црква "Свети Ѓорѓија" - од средината на XIX век. Иконостасот и иконите потекнуваат од 1909 година.

- црква "Свети Александрија" - изградена на темели од стара црква. Нема податоци за тоа кога е градена.

Село Козица:
- црква "Преподобна Параскева" - според записот, градена во 1870 година, од кога потекнува и иконостасот. Иконите се дело на зографот Никола од Крушево.

Село Кладник:
- црква "Света Богородица" - изградена во средината на XIX век.Иконостасот е од почетокот на минатиот век.

Село Свињиште:
- црква "Свети Никола" - изградена во средината на XIX век. Иконостасот е од 1868 година, а иконите на него се дело на зограсфите Јосиф, Филип и Ристе од Лазарополе.

Село Брждани:
- црква "Свети Никола" - дело на мајстори од Охрид, изградена во 1872 година. Иконостасот е изработен во 1874 година од страна на Аврам Дичов од Тресонче.

Село Јудово:
- црква "Свети Атанасиј" - изградена во 1845 година, а според податоците во црковните книги, осветена е во 1863 година. Иконостасот и фрескоживописот се од 1902 година. Иконите се дело на Крсте Николов и син му Русалим од Лазарополе.

Село Видрани:
- црква "Свети Никола" - осветена во 1989 година од страна на Митрополитот Дебарско-кичевски г. Тимотеј. Иконостасот е изработен во 1989 година, а иконите на него се дело на Мирослав Крстески од Кичево.

Во состав на оваа парохија се дел од градот Кичево и селата: Букојчани, Јагол, Јагол Доленци, Кнежино, Лазоровци, Лешница, Манастир Доленци, Мидинци, Ново Село, Осломеј, Осој, Поповјани, Премка, Раштани, Србјани, Тајмиште и Туин.

Парохиски свештеник е Ристо Камбуроски. Роден е на 06. I 1973 година во село Горно Крчино - Албанија. Средно образование завршил во Македонската православна богословија "Св. Климент Охридски" во Скопје. За ѓакон е ракоположен на 11. IX 1999 година, а за свештеник на 12. IX 1999 година од страна на Митрополитот Дебарско-кичевски г. Тимотеј. На парохиска служба во Четвртата кичевска парохија стапил на 01. VI 2003 година.

Кичево:
- централна парохиска црква "Свети апостоли Петар и Павле"

- според податоците, во својот сегашен изглед е изградена на почетокот на дваесеттиот век, но, на темели од постара црква. Нејзиното целосно обновување е извршено во 1974/75 година. Обновувањето на иконите го извршил Кузман Фрчкоски од Галичник. Иконостасот е изработен во периодот на градењето на црквата, а иконите на него се од 1925/26 година. Во понов период, поради настанатите потреби, изграден е нов придружен објект, во кој се наоѓаат црковна трпезарија, крстилница и административни простории за свештениците.

Село Букојчани:
- црква "Свети Никола" - изградена во седумдесеттите години на минатиот век, на темели од стара црква градена во 1882 година, а потоа урната. Фрескоживописот е дело на зографот Кузман Фрчкоски од Лазарополе, работен во периодот од 1976 - 1978 година.

Село Јагол:
- црква "Свети Никола" - изградена во почетокот на 1848 година, а во 1936 година изграден е уште еден спрат. Иконостасот е изработен во 1938 година од страна на браќата Јоаким и Томо Николоски од Лазарополе.

Село Јагол Доленци:
- црква "Света Богородица" - градена во 1935-1936 година. Иконостасот е направен веднаш по изградбата на црквата.

Село Кнежино:
- црква "Свети Димитрија" - изградена е во 1911 година, а осветена е дури после 94 години, на 30. Х 2005 година од страна на Митрополитот Дебарско-кичевски г. Тимотеј.

Село Лазоровци:
- црква "Свети Ѓорѓија" - градена е кон крајот на XVI или почетокот на XVII век. Фреските се од XVII век, додека иконостасот е од XIX век.

Село Лешница:
- црква "Свети Кузман и Дамјан" - градена во седумдесеттите години на ХХ век, а осветена во 1994 година од страна на Митрополитот г. Тимотеј. Иконите на иконостасот се дело на Мирослав Крстески од Кичево, изработени во 1995 година.

Село Манастирско Доленци:
- црква "Свети Димитрија" - камен-темелник е осветен и поставен на 26. VII 2001 година од страна на Митрополитот г. Тимотеј.

Село Мидинци:
- црква "Преподобна Параскева" - изградена во 1952 година, а осветена во 1963 година. Фреските се од 1962-1963 година. Иконостасот и иконите на него се пренесени од старата црква и потекнуваат од 1923 година.

Село Ново Село:
- црква "Света Богородица" - градена во почетокот на ХХ век и не е осветена.

Село Осломеј:
- црква "Света Богородица" - изградена во 1921 година. Обновена во 1986 година и преосветена во 1987 година од страна на Митрополитот Дебарско-кичевски г. Тимотеј. Иконостасот е подарок од Цветан Лазарески и потекнува од 1923 година.

Село Осој:
- црква "Света Недела" - градена од 1935 до 1937 година. Осветена е на 09. IX 1979 година од страна на Митрополитот Дебарско-кичевски г. Ангелариј. Зографисана е од Кузман Фрчовски од Галичник. Најголемиот дел од фреските се живописани во 1997 година.
-
 црква "Света маченичка Параскева" - изградбата е започната во 1998 година и сеуште е во тек.

Село Поповјани:
- црква "Свети Никола" - сегашната црква е изградена во 1993 година.

- црква "Свети Атанасиј" - изградена во 1990 година.

Село Премка:
- црква "Свети Илија" - изградена во 1937/38 година. Неосветена.

- црква "Свети Атанасиј" - изградена во 1871 година. Нема фрескоживопис. Иконите на иконостасот се дело на Крсте и Трајан од 1866 година, а подоцна ги дополниле Павле и Здраве Велкоски од село Премка.

Село Раштани:
- црква "Свети Ѓорѓија" - изградена во 1922 година. Фрескоживописот во неа е дело на Мито С. Дамчески.

Село Србјани:
- црква "Свети Петар и Павле" - според преданието на постарите жители, црквата датира уште од времето на св. Климент Охридски, односно од IX век. Последното обновување на црквата се случило во првата половина на ХХ век, а најголемиот дел од фрескоживописот е обновен дури после Втората светска војна.

Село Тајмиште:
- црква "Свети апостоли Петар и Павле" - изградена во 1861 година, целосно изгорена во пожар во 1921 година, па повторно обновена и преосветена во 1928 година. Иконостасот и фреските се дело на Данило Нестороски - Фрчкоски од Галичник, изработени во 1928 година.

- црква "Преподобна Параскева" - постара црква која е обновена во 1975/76 година, кога е изработен и фрескоживописот од страна на зографот Кузман Фрчкоски. Осветена е една година пред тоа, во 1974 година.

Село Туин:
- црква "Свети Никола" - изградена во 1922 година. Внатрешноста на црквата е уредувана од страна на Костадин и Стојан Здравкоски, и иконостасот најверојатно е нивно дело.