НАЈНОВО ОД ДЕБАРСКО-КИЧЕВСКАТА ЕПАРХИЈА

Споменот на светиот свештеномаченик Еразмо Охридски, на најторжествен начин се прославува во Дебарско-кичевска епархија. Почитта кон овој светител од IV век, во Охридско-струшкиот регион е голема, бидејќи неколку години пред крајот на својот живот свети Еразмо Евангелието за нашиот Спасител Господ Исус Христос го проповедал во Лихнидос, денешен Охрид, каде што според житието овој светител покрстил околу 20 000 луѓе. Вечерта на 14-ти јуни сè до доцните вечерни часови, а исто така и наредниот ден на 15-ти, реки од верен народ трпеливо чекаа да влезат, да се поклонат, да се помолат, да запалат свеќа во црквата и во пештерата во која се подвизувал светиот Еразмо и на тој начин да ја изразат својата чест кон него.

Authentic Sneakers | Air Jordan

Во неделата на 30 мај 2010 година, денот кога светата Црква го слави споменот на сите светии, уште наречена Недела на Сите Светии, во манастирот „Сите Светии“ во село Лешани – Охрид, Неговото Високопреосвештенство Митрополит Дебарско-кичевски г. Тимотеј, во сослужение на протојереј Темелко Донески, јеромонах Вартоломеј, игумен на манастирот, јереј Игор Никовски и ѓаконите Николче Ѓурѓиноски и Васко Голабоски служеше света архиерејска Литургија. После завршувањето на Литургија во дворот на манастирот, Владиката заедно со останатите свештенослужители извршија мал Водосвет и се благослови и освети празничниот леб. Кон верниот народ Владиката се обрати со поучно слово кое во целост ви го пренесуваме.

Македонија оваа година по 43-ти пат, во базиликата „Свети Климент-Римски“ во Рим, го чествуваше споменот на сесловенските равноапостоли и просветители светите Кирил и Методиј. Македонската државна делегација беше предводена од Претседателот на Собранието на Република Македонија г. Трајко Велјаноски, додека, пак, црковната делегација ја предводеше Митрополит г. Тимотеј. На 24 мај 2010 година, денот кога се слави споменот на светите браќа Кирил и Методиј, во базиликата свети Климент-Римски, на гробот кадешто почиваат моштите на свети Кирил се служеше молебен со кој чиноначалствуваше Неговото Високопреосвештенство Митрополит Дебарско-кичевски г. Тимотеј во сослужение на: јереите Михајло и Климент, свештеници во северниот дел на Република Италија и ѓаконите Николче Ѓурѓиноски и Васко Голабоски. Голем број македонски граѓани кои живеат и работат во Република Италија, организирано со 5-6 автобуси дојдоа во Рим, а исто така и ученици од Република Македонија кои беа дојдени на екскурзија во Италија, присуствуваа на молебенот, молитвено изразувајќи ја својата почит кон светите браќа Кирил и Методиј.

Running sport media | Women's Nike Air Jordan 1 trainers - Latest Releases , Ietp

На 15 мај 2010 г., во црквата свети Георгиј во Струга, Неговото Високопреосвештенство Митрополит Дебарско-кичевски г. Тимотеј изврши света тајна Венчание врз Цветлана и Николче Танаскоски, син на протојереј-ставрофор Илија Танаскоски, Архиерејски намесник на струшкото намесништво и еден од најпочитуваните и најценети свештеници во Дебарско-кичевска епархија.

По повод празникот посветен на свети Атанасиј Александриски (летен), кој се празнува на 15 мај, во манастирот „Св. Атанасиј“ , метох на Светинаумовата обител, се служеше света архиерејска Литургија. Со светата Литургија чиноначалствуваше Неговото Високопреосвештенство Митрополит Дебарско-кичевски г. Тимотеј во сослужение на: архимандрит Нектариј, игумен на манастирот „Св. Наум Охридски“, игумен Јосиф, игумен на манастирот „Пресвета Богородица“ во Калишта, јереј Игор Никовски, секретар на Дебарско-кичевска епархија и ѓакон Николче Ѓурѓиноски. Култот кон свети Атанасиј во овие краишта е голем, не само кај православните верници од Македонија, Охрид и околината, но исто така и кај православните верници од соседна Република Албанија, та сите заедно молитвено собрани дојдоа да го прославават овој светител и да го помолат заедно со свети Наум  да ни бидат  застапници пред Престолот на Севишниот Бог. После завршувањето на Литургијата, Владиката зедно со останатите свештенослужители извршија мал Водосвет и го благословија и прекршија празничниот леб.