НАЈНОВО ОД ДЕБАРСКО-КИЧЕВСКАТА ЕПАРХИЈА

По повод големиот национален празник Илинден и црковниот спомен на св. пророк Илија (02.08.2011) беше отслужена света архиерејска Литургија во храмот „Св. вмч. Ѓорѓи“ во мијачкото село Лазарополе, на која чиноначалствуваше Неговото Блаженство Архиепископот Охридски и Македонски Стефан, во сослужение на Митрополитот Дебарско-кичевски г. Тимотеј (надлежен епархиски архиереј), Митрополитот Повардарски г. Агатангел, архимандрит Партениј (игумен на Бигорскиот манастир), протоереј Зоран Грозданов од Велес, еромонасите Макариј и Јосиф, свештениците Благоја Спироски и Игор Никовски, протоѓаконот Антоние Дујоски и ѓаконите Николче Ѓурѓиноски и Васко Голабоски. Присуството на многубројниот верен народ, како и прекрасните гласови на сестрите од манастирот во Рајчица, придружувани од големиот пријател на македонскиот народ, протопсалтот Панајотис Сомалис од Атина и учениците и студенти богослови од Македонската православна црква кои го негуваат старомакедонското црковно пеење, ја направија Литургијата уште поторжествена и величествена. Благодарение, пак,  на грижата на црковниот одбор и братството од Бигорскиот манастир, храмот заблеска исто како и пред 170 години.            

affiliate tracking url | Nike Air Force 1'07 Essential blanche et or femme - Chaussures Baskets femme - Gov

„Христовата маченица Јулита, носејќи го Кирика во прегратките, во подвигот храбро веселејќи се, викаше: Христос е пофалба на мачениците“ (кондак на св. маченици Кирик и Јулита).

На ден 28.07.2011 година го прославуваме празникот на светите маченици Кирик и Јулита и по тој повод, во храмот „Св. Богородица Болничка“ во Охрид, беше отслужена света архиерејска Литургија, на која чиноначалствуваше Неговото Високопреосвештенство Митрополитот Дебарско-кичевски г. Тимотеј во сослужение на свештениците Љупчо Симиџиески и Игор Никовски и ѓаконот Николче Ѓурѓиноски. Пред почетокот на светата Литургија беа осветени двете нови камбани кои ќе го красат соседниот храм „Св. Никола Болнички“. По завршувањето на Литургијата беше извршен чинот на Мал водосвет и беше прекршен празничниот колач. По молитвите на твоите свети маченици Господи Исусе Христе помилуј нè и спаси нè. Амин! 

url clone | Nike Shoes

Во Петтата недела по педесетница и на денот кога го празнуваме св. Андреј Критски (17.07.2011) беше осветен новиот храм посветен на св. вмч-ца Недела во с. Драслајца, Струга. Со свечениот чин на осветување и со светата архиерејска Литургија чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение на протоереј Темелко Донески, свештениците Петар Бојчиноски и Игор Никовски и ѓаконите Николче Ѓурѓиноски и Васко Голабоски. Многуброен верен народ учествуваше на овој свечен чин, а по завршувањето на Литургијата Митрополитот Тимотеј се обрати кон своето верно стадо со пригодна беседа која интегрално ви ја пренесуваме.

jordan Sneakers | Vans Shoes That Change Color in the Sun: UV Era Ink Stacked & More – Fitforhealth News

На ден 15.07.2011 година, на празникот Положување риза на Пресвета Богородица во Влахерна, традиционално, како и секоја година, во храмот „Св. Богородица Перивлепта“ во Охрид беше отслужена света архиерејска Литургија, на која чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение на свештениците Љупчо Симиџиески, Игор Никовски, Димче Азески и Горан Ставрески и ѓаконите Николче Ѓурѓиноски и Васко Голабоски. По завршувањето на Литургијата Митрополитот Тимотеј се обрати кон присутните верници со пригодно слово.

Sportswear free shipping | Nike nike air max paris 1 patch 2017 , Sneakers , Ietp STORE

На ден 14.07.2011 година ги прославивме светите бесребреници и чудотворци Кузман и Дамјан. По повод овој празник, во храмот „Св. Кузман и Дамјан“ во с. Пештани, Охрид, беше отслужена света архиерејска Литургија на која чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение на архимандрит Нектариј, свештениците Атанас Казанџиски, Игор Никовски и Димче Азески и ѓаконот Николче Ѓурѓиноски. По завршувањето на Литургијата беше извршен Мал водосвет и беше прекршен празничниот колач, а Митрополитот Тимотеј се обрати кон присутните со пригодно беседа, која во целост ви ја пренесуваме.

bridge media | adidas Campus 80s South Park Towelie - GZ9177