НАЈНОВО ОД ДЕБАРСКО-КИЧЕВСКАТА ЕПАРХИЈА

Во Охридското архиерејско намесништво, првите четири дена од првата недела на Великиот пост, великопосните богослужби се извршуваат со едноцрквие во црквата света Богородица – Каменско. На богослужбите присуствуваат сите свештенослужители од намесништвото возглавени од Митрополит г. Тимотеј и по определен распоред дел од нив земаат учество како чредни (дежурни) свештенослужители, кои ги извршуваат богослужбите, а останатите како пеачи на двете певници.

Во името на Отецот и Синот и Светиот Дух!

Драги браќа и сестри,

Нашиот Господ, Исус Христос кој го љуби човечкиот род, уште еднаш нè удостојува да се најдеме на патот на светиот и велигденски пост, кој, според црковната терминологија го нарекуваме света Четириесетница.

На 10 февруари 2010 година, во митрополитската резиденција на Плаошник се одржа работен состанок на членовите на Епархиски управен одбор на Дебарско-кичевска епархија со кој претседателствуваше Митрополит г. Тимотеј. На состанокот беше разгледана завршната сметка за 2009 год., а исто така од членовите на одборот едногласно се усвои предлог буџет за 2010 година.

Светата Православна црква на 4 февруари го слави споменот на апостол Тимотеј, еден од Седумдесеттемина апостоли, кој како постојан сопатник на апостол Павле, ја обиколил Ахаја, Македонија, Италија и Шпанија. За него, апостол Павле вели дека бил „вистински син на верата“ и како ревносен проповедник на Христовото слово многу придонел во ширењето на христијанска вера. По повод именденот на Неговото Високопреосвештенство Митрополит Дебарско-кичевски г. Тимотеј, во манастирот „Свети Климент и Пантелејмон“ на Плаошник се служеше архиерејска Литургија со која чиноначалствуваше Владиката Тимотеј во сослужение на: архимандрит Нектариј, протојереј Сашо Богданоски, протојереј Димче Ѓорѓиески, јереј Ромео Петрески, јереј Игор Никовски, јереј Никола Христоски и ѓаконите Димче Азески, Николче Ѓурѓиноски, Владо Недески и Васко Голабоски.

Mysneakers | Gifts for Runners

На 31 јануари, кога Црквата го слави споменот на свети Атанасиј Велики и свети Кирил Александриски, во манастирот свети Атанасиј, метох на Светинаумовата обител во присуство на многуброен верен народ се служеше света архиерејска Литургија. Со божествената Литургија чиноначалствуваше Неговото Високопреосвештенство Митрополит Дебарско-кичевски г. Тимотеј во сослужение на: архимандрит Нектариј, игумен на манастирот „Свети Наум“, протојереј-ставрофор Тоди Јован, Албанска православна црква, игумен Јосиф, игумен на манастирот „Пресвета Богородица“ во Калишта – Струга, свештеник Игор Никовски и ѓаконите Димче Азески и Николче Ѓурѓуноски. Кон верниот народ Владиката се обрати со поучно слово кое во целост ви го пренесуваме. После завршувањето на светата Литургија, во средината на храмот Митрополит г. Тимотеј заедно со останатите свештенослужители го благословија и прекршија празничниот колач.