„О севоспеана Мајко, која Го роди Словото - посвето од сите светии, откако ќе го примиш овој наш сегашен принос, избави ги од сите напасти и ослободи ги од идните маки, оние што ти пеат: Алилуја!“ (кондак 13 од Акатистот на Пресвета Богородица).
На 27.03.2015 година, во Петокот од петтата седмица на Великиот пост, во храмот „Успение на Пресвета Богородица - Каменско“ во Охрид, беше отслужен последниот на Пресвета Богородица во овогодинешната света Четириесетница, на која чиноначалствуваше Неговото Високопреосвештенство Митрополитот Дебарско-кичевски г. Тимотеј, во сослужение на свештениците Никола Христоски, Димче Азески, Горан Ставрески и Ѓорѓи Блажевски. Многуброен верен народ дојде да се помоли и да ја побара заштитата од нашата света Мајка и постојана застапничка пред Престолот на Севишниот Бог. По завршувањето на Акатистот, свештеникот горан Ставрески се обрати кон верниот народ со кратко поучно слово.
jordan release date | シューズ
