Возљубени браќа и сестри,
Во прилог Ви го испраќаме апелот за помош на настраданите од катастрофалниот земјотрес што ги зафати регионите на Сирија и Турција. Следејќи ги заповедите на нашиот Спасител, Господ Исус Христос, дека треба да го љубиме нашиот ближен како себеси и да бидеме милосрдни како нашиот Отец небесен, Ве повикуваме сите ние да им излеземе во пресрет, според нашите можности, на нашите браќа и сестри во Сирија и Турција, кои се наоѓаат во тешки страдања во овие моменти.
„Од Твојата татковска слава се оддалечив безумно, на зло го потрошив богатството што ми го предаде. Затоа како блудниот (син) Ти се обраќам: Згрешив пред Тебе, Оче Штедар, мене покајникот прими ме и, како еден од Твоите наемници, направи ме“ (кондак на Утрена во Неделата на блудниот син).
На 12.02.2023 година, во Неделата на блудниот син и на празникот на светите Три Светители: св. Григориј Богослов, св. Василиј Велики и св. Јован Златоуст, во храмот „Св. Никола“ во Враништа, Струга, беше отслужена света архиерејска Литургија, на којашто чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на протоерејот-ставрофор Никола Христоски, свештениците Ристе Наумоски и Димитрија Павлески и протоѓаконот Николче Ѓурѓиноски. По завршувањето на Литургијата, Митрополитот Тимотеј се обрати кон верниот народ со пригодна беседа, којашто во целост ви ја пренесуваме.
На 09.02.2023 година, во просториите на Административниот центар на Дебарско-кичевската епархија Охрид, беше одржан редовниот годишен состанок на Епархискиот управен одбор на Дебарско-кичевската епархија Охрид. На состанокот беа разгледани повеќе точки од дејноста на Епархијата во изминатата 2022 година. На состанокот беше одобрена Завршната сметка на Епархијата за 2022 година, како и Предлог буџетот за 2023 година. Исто така, беа донесени и повеќе одлуки според поденесените барања. Состанокот се одржа под претседателство на Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, а во присуство на членовите на ЕУО на ДКЕ, и тоа:
Почитувани верници, во прилог Ви ја пренесуваме беседата од Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, искажана во Неделата на цариникот и фарисејот, во капелата во Митрополитската резиденција во Охрид.
„Во светот сјаат светлоносно две светила: великиот Тимотеј, еден од Христовите апостоли, и маченикот Анастасиј, еден од сличните нему, коишто ние ги славиме заедно“ (светилен на Утрена на св. ап. Тимотеј и преп. мч. Анастасиј Персиски).
Се исполни кажувањето Давидово бидејќи нашиот блажен и секогаш спомнуван Тимотеј се јави како молња озарувајќи ги со својата проповед краиштата на вселената. Затоа и ние достојно го славиме и прославуваме споменот на блажениот апостол Тимотеј, и непрестајно го величаме. Празнувањето на светиот апостол Тимотеј и на преп. мч. Анастасиј Персиски, како и по повод именеденот на нашиот возљубен духовен водач, Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, на 03.02.2023 година, во вечерните часови, во манастирот „Св. Климент и Пантелејмон“ на Плаошник во Охрид, беше отслужена Празнична вечерна богослужба, на којашто чиноначалствуваше Митрополитот Тимотеј, во сослужение на протоерејот-ставрофор Димче Ѓорѓиески, еромонахот Никодим и ѓаконот Марко Спасовски. На 04.02.2023 година, во истиот манастир, беше отслужена света архиерејска Литургија, на којашто чиноначалствуваше Митрополитот Тимотеј, во сослужение на архимандритот Нектариј, протоерејот-ставрофорите Никола Христоски и Димче Ѓорѓиески, еромонахот Никодим, протоѓаконот Николче Ѓурѓиноски и ѓаконот Марко Спасовски. По завршувањето на Литургијата, беше прекршен празничниот колач, а со благослов на Митрополитот Тимотеј, еромонахот Никодим се обрати кон верниот народ со пригодна беседа, којашто ви ја пренесуваме во целост.
