„Со архангелите да го воспееме Христовото Воскресение, заѓто Он е Избавителот и Спасител на душите наши, и во страшна слава, и во крепка сила, пак доаѓа да му суди на светот што го создаде“ (стихира на Господи повикав... на Вечерна во светата и велика Недела на Пасха).

 

На 16.04.2023 година, на најторжествениот празник над празниците, Пресветлото Воскресение Христово, во поладневните часови, во катедралниот храм „Св. Софија“ во Охрид, беше отслужена Вечерна богослужба со читање на Евангелието според Јован на повеќе јазици, на којашто чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на архимандритот Нектариј, протоереј-ставрофорите Никола Христоски, Сашо богданоски, Димче Ѓорѓиески и Александар Димоски, свештениците Димче Азески и Ѓорѓи Блажевски, еромонахот Никодим, протоѓаконот Николче Ѓурѓиноски и ѓаконот Марко Спасовски. На крајот, нашиот Владика и духовен татко Митрополитот Тимотеј, заедно со свештенството, им го честиташе на сите овој спасоносен ден на Пасхата Христова, и на сите верни присутни чеда им подели по едно велигденско црвено јајце.

Повеќе...

„Богоотецот Давид играшепред ковчегот на заветот, а ние, светите Божји луѓе, гледајќи го исполнувањето на тие предобрази, да се веселиме божествено, зашто Христос Воскресна, како сесилен“ (песна од канонот на Утрена на Воскресение Христово). 

 

На 16.04.2023 година, на денот на славното Воскресение Христово, денот кога нашиот Спасител, Господ Исус Христос, го победи човековиот најголем непријател - смртта, во манастирот „Св. Климент и Пантелејмон“ на Плаошник во Охрид, беше торжествено дочекан овој момент на спасението на човековиот род. Веста за Воскресението Христово, точно на полноќ, ја објави нашиот духовен водач и молител пред Бога, Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, а во сослужение на протоерејот-ставрофор Никола Христоски, протоерејот Кирил Јованоски, еромонахот Никодим Паскали и протоѓаконот Николче Ѓурѓиноски. Потоа беше отслужена и света архиерејска Литургија, а беше и прочитано Велигденското шпослание, испратено до сиот верен народ, од Неговото Блаженство Архиепископот Охридски и Македонски и на Јустинијана Прима г.г. Стефан, заедно со членовите на САС на МПЦ-ОА. Истото ви го пренесуваме во целост.

Повеќе...

„Адот е ранет во срцето, кога Го прими ранетиот со копје во ребрата, и воздивнува согоруван од божествениот оган, за спасение на нас кои пееме: Избавителу, Боже, благословен си“ (песна од канонот на Утрена на Велика сабота).

 

На 14.04.2023 година, на Велики петок - вечер, кога го прославуваме светиот настан на Погребението Христово, во храмот „Св. вмч. Ѓорѓи“ беше отслужена Утрена богослужба на која со жални песни погребални беше воспеано Опелото Христово. На Утрената богослужба чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на протоереј-ставрофорите Сашо Богданоски, Димче Ѓорѓиески и Игор Никовски, свештеникот Горан Ставрески, протоѓаконот Николче Ѓурѓиноски и ѓаконот Марко Спасовски. По завршувањето на богослужбата, Митрополитот Тимотеј се обрати кон верниот народ со пригодна беседа, којашто ви ја пренесуваме во целост.

Повеќе...

„Тебе, Творецот на сѐ и Бога, гледајќи Те на Крстот, Христе, онаа која бессемено Те родила, горко викаше: Сине Мој, каде зајде Твојата убавина! Не можам да гледам како Те распнуваат неправедно: но побрзај, стани, за да го видам и јас Твоето тридневно од мртвите воскресение“ (стиховна стихира на Вечерна на Велики петок).

 

На 14.04.2023 година, на Велики петок наутро, во манастирот „Св. Климент и Пантелејмон“ на Плаошник во Охрид, беа отслужени царските часови и Вечерна богослужба, на којашто чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на протоерејот-ставрофор Никола Христоски, еромонахот Никодим и протоѓаконот Николче Ѓурѓиноски. По завршувањето на богослужбата, Митрополитот Тимотеј се обрати кон верниот народ со пригодна беседа, којашто интегрално ви ја пренесуваме.

Повеќе...

„Кажете, беззаконици, што слушнавте од нашиот Спасител? Зар не го исполни законот и учењето на пророците? Како помисливте да му го предадете на Пилата, Бога Словото, Кој е од Бога, и Избавителот на душите наши?“ (осми антифон на Утрена на Велики Петок).

 

На 13.04.2023 година, на Велики четврток, во вечерните часови, во храмот „Св. вмч. Ѓорѓи“ во Струга, беше отслужена Утрена богослужба со читање на дванаесетте страдални Евангелија, на којашто чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на протоереите Васко Голабоски и Александар Димоски, свештеникот Христијан Костоски и протоѓаконот Николче Ѓурѓиноски. По завршувањето на богослужбата, Митрополитот Тимотеј се обрати кон верниците со пригодна беседа, којашто интегрално ви ја пренесуваме.

Повеќе...
Страница 17 од 276

Fotogalerija

galerija

Izdava{tvo

izdavastvo

Crkoven kalendar

Март 2015
Пон Вто Сре Чет Пет Саб Нед
23 24 25 26 27 28 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5